Vasia Shumkov, i cili gëzon mirësjelljen e shefit, bie në dashuri, është gati të martohet dhe të çmendet “nga mirënjohja”. Ky njeri pak kurrizdalë, i cili jeton me frikën se mos është barrë për të tjerët, papritmas fillon të thyhet nga pesha e botës, në një qytet shtypës.
Dostojevski, një autor ultramodern, me stilin e tij unik e të gjallë, na çon në një Rusi të ethshme dhe të ndjeshme, në një Rusi të trazuar.

…Autori, sigurisht, ndien një shtysë të brendshme, të ngutshme, që t’ia bëjë sa më parë të qartë lexuesit se përse njërin prej protagonistëve e quan me emrin, emrin e atit dhe mbiemrin, kurse tjetrin me atë me të cilin i flisnin farefisi dhe të afërmit…